Yirik xalqaro pul o‘tkazish tizimlaridan biri Western Union Rossiyadan O‘zbekiston, Tojikiston va Qirg‘izistoga pul o‘tkazmalari tariflarini pasaytirdi. Shu vaqtga qadar Western Union o‘z xizmatlari uchun tariflarni boshqa mintaqaviy “o‘yinchilar”dan ko‘ra ikki barobar qimmatroq ushlab turgan edi. Yangi qaror bilan Western Union ushbu bozordagi ulushini oshirib olmoqchi, deya hisoblamoqda mutaxassislar.
“Kommersant'” nashrining xabar berishicha, 17 sentabrdan boshlab Western Union bir qator MDH davlatlari va Turkiya uchunRossiya o‘rtasida pul almashish tariflarini pasaytiradi. Kompaniya bu haqda mazkur mamlakatdagi hamkorlarini o‘tgan hafta oxirida ogohlantirgan.
2015 yil oxiriga qadar davom etuvchi narxlar arzonlashuvini marketing aksiyasi deb nomlandi. Kompaniya Rossiyadan boshqa mamlakatlarga pul o‘tkazish uchun to‘lanadigan komission pul miqdorini MDHning muayyan davlatlari: O‘zbekiston, Tojikiston va Qirg‘iziston uchun ikki barobar yoki 1 foizgacha qisqartirdi. Shu vaqtga qadar MDH davlatlariga pul jo‘natmalari uchun WU tarifi 2 foizni tashkil etar edi.