WSJ: Eron Yevropaga gaz yetkazib berish bo‘yicha Rossiyadan o‘zib ketishi mumkin

Eron keyingi o‘n yillik oxiriga kelib Yevropa ittifoqiga gaz yetkazib beruvchi yirik davlatga aylanishi mumkin. Bu haqda Eron yadroviy dasturi materiallariga iqtibos keltirgan holda The Wall Street Journal nashri yozmoqda.

Yevrokomissiya Eron 2030 yilga kelib yiliga 25-35 mlrd kub metr gaz yetkazib bera oladi, deb hisoblamoqda, bu uning Yevropaga gaz yetkazib beruvchi yirik davlatga aylantiradi hamda Yevropaning Rossiya va Shimoliy Amerikadan gaz yetkazib berishga bog‘liqligini qisqartiradi. Bu orada Rossiya yiliga 130 mlrd kub metr gaz yetkazib beradi.

G‘arb  davlatlari hukumatlari va kompaniyalari energiya zaxiralariga boy bo‘lgan Eronga investitsiya kiritishni bir necha bor muhokama qilganlar. Bu borada Yevropa Ittifoqining energetika va iqlimning o‘zgarishi bo‘yicha yevrokomissari Migel Arias Kanete yetakchi energetik kompaniyalar, jumladan RWE AG, E.On AG, BP PLC, Royal Dutch Shell PLC, Repsol SA, Total SA, Engie SA and Statoil ASA kompaniyalari bilan uchrashuv o‘tkazdi.

“Biz kompaniyalarimiz Eron bozoriga AQSh yoki Xitoy kompaniyalaridan tezroq chiqishlarini istaymiz”, deb aytmoqda yevrokomissar.

Nashrning ta'kidlashicha, Yevropa Eron neft-gaz sektoriga investitsiya kiritish jarayonini tezlatish uchun Eron vakillari bilan suhbatni jadallik bilan oshirmoqda.