BMW 7 ni kalit yordamida masofadan turib parkovka qilish mumkin bo‘ldi

BMW kompaniyasi Frankfurtda bo‘lib o‘tayotgan avtosalonda 7-seriyasining flagman modelini namoyish qildi. BMW’da ta'kidlanganidek, avtomobil o‘zida “konsernning haydovchiga yordam beruvchi intellektual tizimlarining eng oxirgi innovatsiyalarini” mujassamlashtirgan. 

Yangi avtomobilda qo‘llangan yangiliklardan biri – ugleplastikdan tayyorlangan kuzov va uzoq va yaqin masofalar uchun mo‘ljallangan lazer faralar bo‘ldi. Mashinada, shuningdek, imo-ishoralarni boshqarish funksiyasiga ega sensor displeyga ega iDrive operatsion tizimi o‘rnatilgan. Maxsus interaktiv kalit yordamida avtomobil egasi uni masofadan turib parkovka qilishi mumkin: buning uchun mashinadan chiqib, tegishli funksiyani faollashtirish lozim.  

Mashinaning orqa Executive Lounge o‘rindiqlari massaj qilish funksiyasi bilan to‘ldirilgan. Mashinaning panoramali tomida yorug‘lik chiroqlari va mobil telefonlarni quvvatlash uchun qurilma o‘rnatilgan.