Moskvada qayta rekonstruksiya qilingan jome masjidining ochilishi arafasida Rossiya Federatsiyasi musulmonlar diniy boshqarmasi rahbari Ravil G‘aynutdin TASS agentligiga intervyu berdi.
Suhbat chog‘ida u Janubiy Saxalinda sud tomonidan Qur'onning ayrim oyatlari ekstremistik matn deb e'lon qilinganiga munosabat bildirdi.
“Bu savodsizlikdir, - dedi Rossiyaning bosh muftiysi. – U yerda kerakli ekspertizaning o‘zi yo‘q edi, Rossiyada bunday ekspertlar barmoq bilan sanarli darajada. Qanaqadir qishloqda, qanaqadir tumanda, Ural ortida, Sibirda ilohiyot eksperti topilishi... Bunday odamlar ulkan akademik bilimlariga ega bo‘lishi, falsaviy fikrlay olishi kerak.
Qur'on suralarini man qilgan odamlar esa ertaga butun Bibliyani ekstremistik deb e'lon qilib yuborishi mumkin. Sudyalar Bibliyani, Qadimgi Ahdni, Yangi Ahdni o‘qishsin, shunda ularning qarashlari o‘zgaradi”.
Bunday hollarning oldini olish uchun Rossiya musulmonlari yetakchisi qonunchilikka o‘zgartishlar kiritib, dinlarning muqaddas kitoblarini himoyalashni tavsiya qildi.