Volgogradda ommaviy ravishda to‘pni oyoq uchida tushirmasdan tepish bo‘yicha Rossiya rekordi o‘rnatildi

18 sentabrda Volgogradda futbol bo‘yicha 2018 yilgi jahon chempionati boshlanishiga 1000 kun qolgani munosabati bilan ommaviy ravishda to‘pni oyoqdan tushirmasdan tepish bo‘yicha Rossiya rekordi o‘rnatildi. Ommaviy tadbirda 209 ko‘ngilli ishtirok etdi. Ularning soni FIFAga kiruvchi milliy futbol uyushmalari soniga mos ravishda bo‘ldi. Bu haqda TASS axborot agentligiga jahon chempionatiga tayyorgarlik ko‘rish bo‘yicha Volgograddagi qo‘mitada ma'lum qilindi.       

“Shaharning bosh maydonida 209 ko‘ngilli bir vaqtda to‘plarni oyoq uchida yerga tushirmasdan tepish bo‘yicha Rossiya rekordini o‘rnatishdi. Rekord o‘rnatilgani haqidagi sertifikat tadbirda ishtirok etgan Rossiya rekordlar kitobi mutaxassisi tomonidan topshirildi”, deyilmoqda qo‘mitada.     

So‘ngra bayram futbol estafetasi bilan davom ettirildi. To‘p bilan birinchi uzatmani tadbirning eng yosh ishtirokchisi – hali 2 yoshga to‘lmagan bolakay amalga oshirdi. Estafetaning umumiy masofasi ham ramziy ravishda 1000 metrni tashkil qildi.