OAV: Nigeriyada sodir bo‘lgan bir necha teraktlar qurbonlari soni 50 nafarga yetdi

Nigeriyada sodir bo‘lgan bir necha teraktlar natijasida 50 kishi qurbon bo‘ldi, yana 95 kishi jarohat oldi.

“Vengard” nashrining xabar qilishicha, yakshanba, 20 sentabr kuni mamlakat shimoli-sharqidagi Borno shtati ma'muriy markazi hisoblangan Mayduguri atrofidagi ikki shaharcha – Adjilari va Bintuda portlashlar sodir bo‘lgan.

Mazkur teraktlar uchun javobgarlikni hech qaysi jinoiy guruh zimmasiga olmagan.

Mayduguri Nigeriyada halifalik tuzish harakatidagi jangarilar guruhlarining tayanch markazi hisoblanadi. “Boko Haram” terroristik guruhi ham mamlakat shimoli-sharqida faol harakat olib boradi.