Ruhoniy: AQSh bilan yadroviy kelishuv ixtilofni bartaraf qilishga birinchi qadamdir

Eron prezidenti Hassan Ruhoniy G‘arb jurnalistlariga bergan dastlabki intervyusida yadroviy dastur borasida erishilgan kelishuv AQSh bilan munosabatlarni yaxshilash va ixtilofni bartaraf etish sari qo‘yilgan birinchi qadam bo‘lganini ta'kidlab o‘tdi. Bu haqda Reuters agentligi xabar bermoqda.

“Ishonamanki, oradagi keskinlikni bartaraf etishga birinchi qadam qo‘yildi”, - ta'kidladi Ruhoniy CBS telekanaliga bergan intervyusida. U AQSh kongressi kelishuvni ma'qullashiga umid bildirdi. O‘z navbatida, parlamentda kelishuvga qarshi rezolyutsiya demokratlar tomonidan to‘xtatib qo‘yildi.

“Eron xalqining katta qismi kelishuvga ijobiy munosabat bildirdi. Idoralar va milliy xavfsizlik oliy kengashi bu munosabatdan uzoq emas va shu yo‘nalishda harakat qilmoqda”, - ta'kidladi Ruhoniy. Shuningdek, rasmiy Tehron yetakchisi Eron xalqi amerikaliklarni qattiq hurmat qilishini ta'kidlab o‘tdi.