25 sentabr kuni Toshkentda I.M. Gubkin nomidagi Rossiya Davlat neft va gaz Universitetining (RDNGU) Toshkent shahar filialida neftgaz sanoati korxonalari uchun personal tayyorlovi masalalariga bag‘ishlangan xalqaro anjuman bo‘lib o‘tdi.
Tadbir tashkilotchilari «LUKOYL Uzbekistan Opereyting Kompani» MChJ («LUKOYL» kompaniyasining O‘zbekistondagi qidirish va qazib olish bo‘yicha operatori), «O‘zbekneftgaz» Milliy xolding kompaniyasi (MXK) va Toshkentdagi I.M. Gubkin nomidagi RDNGU.
Anjumanda neftgaz sohasi mutaxassislarini tayyorlashda zamonaviy uslub va texnologiyalarini qo‘llash, O‘zbekistonda muhandis-texnik mutaxassisligidagi ishchilarni tayyorlash imkoniyatlari keng muhokama etildi. Bundan tashqari yaqin 10 yil davomida mamlakat neftgaz soxasida uglevodorod qazib olish bilan bog‘liq yirik sarmoyaviy loyihalarni amalga oshirish chog‘ida xodimlarga bo‘lgan ehtiyoj kabi masalalar ko‘rib chiqildi.
«Mas'uliyatli sarmoyador sifatida LUKOYL kompaniyasi neftgaz sohasi uchun kadrlar tayyorlash tizimini rivojlantirishga o‘z hissasini qo‘shishga harakat qilmoqda. «LUKOYL Uzbekistan Opereyting Kompani»da faoliyat olib borayotgan ishchilarning 85% dan ortig‘i O‘zbekiston Respublikasi fuqarolaridir. Shu bois biz uzoq muddatli loyhalarni amalga oshirish yo‘nalishida yuqori malakali mahalliy mutaxassislarni tayyorlashga ko‘prok imkoniyatlar yaratishga katta qiziqish bildirmoqdamiz», – deb ta'kidladi «LUKOYL» xodimlar boshqaruvi va tashkiliy rivojlanish ishlari bo‘yicha Vitse-prezidenti Anatoliy Moskalenko.
Bugungi kunda «LUKOYL Uzbekistan Opereyting Kompani»da 1600dan ortiq kishi ishlab kelmoqda. Yirik ko‘lamdagi loyihalarni amalga oshirishning eng cho‘qqi pallasida ishchilarning soni 3500dan ortishi kutilmoqda.
