Armaniston prezidenti: Suriyadagi inqiroz tufayli mamlakatga 16 ming arman qaytib keldi

Armaniston prezidenti  Serj Sargsyan mamlakat Suriyadagi vaziyatdan xavotirlanayotganini aytib o‘tdi, deb xabar bermoqda “Interfaks” axborot agentligi. 

Sargsyan bu haqda armanlar genotsidining 100 yilligiga bag‘ishlangan tadbirlarni muvofiqlashtirish davlat komissiyasi yig‘ilishida aytib o‘tdi.

“Biz Suriyada davom etayotgan to‘qnashuvlar va kundan-kunga yomonlashib borayotgan gumanitar vaziyatdan qattiq xavotirdamiz”, deb ta'kidlab o‘tdi Sargsyan.

Sargsyanning ta'kidlashicha, “Aleppoda ishlayotgan Armaniston bosh konsulligi – Suriyadagi yagona dimplomatik vakolatxona va Damashqdagi elchixona Armaniston hukumatining suriyalik armanlar muammosini doimo diqqat markazida ushlab turishidan dalolat beradi”. 

Sargsyan Suriyadagi mojaro boshlangandan beri Armanistonga 16 ming arman kelganini aytdi.

Armaniston davlat komissiyasi mintaqadagi terrorchilarning harakatlarini qoraladi va xalqaro tashkilotlarni bunday fojiali vaziyatga tushib qolgan xalqlarga to‘liq ko‘mak ko‘rsatishga chaqirdi.