Lavrov Rossiyaning Suriyadagi harakatlari borasida Pentagonning gaplariga quloq solmaslik lozimligini aytdi

Rossiya tashqi ishlar vaziri Sergey Lavrov Rossiyaning Suriyadagi harakatlari borasida Pentagon aytayotgan gaplarga quloq solmaslik lozimligini aytdi, deb xabar bermoqda RIA “Novosti” axborot agentligi. Lavrov buni AQSh OAVlari vakillariga ma'lum qildi.    

“Hammasi haqida Rossiya Mudofaa vazirligi ma'lumot berdi, bizning aviazarbalar haqida Pentagonning gaplariga quloq solmang”, deb aytdi Lavrov.

Avvalroq Pentagon ixtiloflarga kelmaslik uchun Suriyada Rossiya harbiy-havo kuchlaridan foydalanish borasida suhbat tashkil etishni taklif qilgandi. 

30 sentabr kuni Rossiya Federatsiya Kengashi bir ovozdan Vladimir Putinning Rossiya qurolli kuchlaridan xorijda foydalanish borasidagi murojaatini ma'qulladi.