12:09 / 01.10.2015
5884

Tom Kruz filmni suratga olish jarayonida 6 daqiqa suv ostida nafas olmasdan turgan

Gollivudning taniqli aktyori Tom Kruzning 6 daqiqa davomida suv ostida nafas olmasdan qolishi tasvirlangan lavha internetga joylashtirildi.
U bu tryukni shu yilning yozida prokatga chiqarilgan “Uddalab bo‘lmas topshiriq: qalloblar qabilasi” (Mission: Impossible - Rogue Nation) filmi suratga olinishi davomida bajargan.

Kruzning o‘zi ma'lum qilishicha, u bu tryukni harbiycha usulda amalga oshirgan.
Ushbu jarayonda Tom Kruz qahramoni suv ostida vintni burash va kompyuter chipini o‘rnatish bilan band bo‘ladi. Bu vaqtda uning yonida sherigi Rebekka Fergyuson ham bo‘ladi. Har ikki aktyor ham nafas olish qurilmalaridan foydalanmagan holda bu sahnani bajarishgan.

“Uddalab bo‘lmas topshiriq: qalloblar qabilasi” (Mission: Impossible - Rogue Nation) filmi shu vaqtgacha dunyo kinoteatrlarida 673,5 mln dollardan ziyod mablag‘ jamlagani xabar qilingandi. Film 2015 yilning 30 iyulida katta sahnalarga chiqarilgan.

Top