Manchester shahri sudi Nataniel Kerr ismli havaskor futbolchini havaskorlik maqomidagi uchrashuvlardan birida raqib futbolchisiga jiddiy tan jarohati yetkazgani uchun qamoqqa hukm qildi. Manchester Evening News nashrida yozilishicha, bu voqea AFC Gold Cup turniri doirasidagi uchrashuvda sodir bo‘lgan.
Ushbu voqeada aybdor bo‘lgan Kerrning tan olishicha, u raqib futbolchisi Styuart Parsonsning oyoqlariga undan o‘z jamoadoshi uchun qasos olish maqsadida tashlangan. U raqibining oyog‘ini shikastlagach, uning ustida turib, "O‘rningdan tur, latta!" deya baqirgan.
O‘yin hakami shu zahotiyoq o‘yinni yakunlagan. Jabrlanuvchi zudlik bilan shifoxonaga olib borilgan. Uning to‘piq qismi ikki joyidan singani aniqlangan.
Parsonsni operatsiya qilishgan. U endi uzoq vaqt tiklanish jarayonini o‘tkazadi.
Qoidabuzarga nisbatan qamoq muddatidan tashqari 5ta o‘yindan iborat diskvalifikatsiya qo‘llanishi va undan 450 funt miqdoridagi jarima undirilishi aytilgan.
