Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Навоийда эгизаклар учлиги туғилди, тўртлик туғилиши кутилмоқда
12:11 / 02.10.2015
8604

17 сентябрь куни Навоий вилоятининг Қизилтепа туманида 29 ёшли Қизлархон Жумаева бирйўла учта фарзанд кўрди. Болаларга Ҳасан, Ҳусан ва Эгамберди исмлари қўйилди. 25 сентябрь куни она уйига қўйиб юборилди.

“Бу биз учун чинакам совға бўлди, - деди Жумаева “Знамя дружбы” нашрига берган интервьюсида. – Турмуш ўртоғим билан иккита қизни тарбиялаб келаётган эдик. Ўғил хоҳлаётган эдик. Бирйўла учта ўғил кўрдим”.
Болаларнинг вазни 2 200, 2 600 ва 2 800 гр ни ташкил қилади. Улар бир ёшгача махсус назорат остида бўлади.

“Бу бизнинг муассасамизда кўп кузатиладиган ҳолат, - деди вилоят перинатал маркази бош неанатологи Эркин Сафаров. – Ўтган йилнинг март ойида ҳам учлик дунёга келган эди. Ҳозир марказда Навбаҳор туманидан келган ҳомиладор аёл ётибди, у дунёга биратўла тўртта эгиз фарзандни келтириши кутилмоқда”.

 


Улашинг
  • Теглар:
Top