Lionel Messining akasi Argentinada noqonuniy ravishda qurol saqlagani uchun hibs qilindi

4 oktabr kuni Lionel Messining katta akasi Matias Messi Argentinada noqonuniy ravishda qurol saqlaganlikda ayblanib, hibsga olindi. Mahalliy nashrlardan biri La Nación`da ma'lum qilinishicha, Matiasning mashinasi tekshirilganida undan revolver chiqqan.

Gazetada yozilishicha, avvaliga undan politsiyachilar hujjatlarni ko‘rsatishni so‘rashganida, u bundan bosh tortgan va politsiyachilarning shubhasiga sabab bo‘lgan.

Shundan so‘ng, Matias Messi Rosario shahridagi politsiya mahkamasiga olib borilgan. Bir necha soatdan keyin esa uni garov evaziga qo‘yib yuborishgan.