Turkmaniston prezidenti O‘zbekistonga 7-8 oktabr kunlari rasmiy tashrif uyushtiradi

Turkmaniston prezidenti Gurbanguli Berdimuhammedov keyingi haftada O‘zbekistonga rasmiy tashrif uyushtiradi.

Turkmaniston hukumati majlisida mamlakat rahbarining 7-8 oktabr kunlari O‘zbekistonga qiladigan safariga tayyorgarlik masalasi muhokama qilingan.

Ushbu tashrif oliy darajadagi o‘zbek-turkman muzokaralari doirasidagi navbatdagi uchrashuv bo‘lishi kutilmoqda.

Ma'lumot uchun, O‘zbekiston prezidenti ushbu kelishuv doirasida 2014 yilning 23-24 oktabr kunlarida Turkmanistonda bo‘lib qaytgandi.