Gvatemaladagi yer o‘pirilishi qurbonlari soni 175 nafarga yetdi

Gvatemala poytaxti yaqinidagi Santa-Katarina-Pinula posyolkasida yomg‘ir tufayli yer o‘pirilishi qurbonlari soni 175 nafarga yetdi, deb xabar bermoqda El Pereodico nashri.

Loy va toshlardan iborat uyumlarni tozalash ishlari bo‘yicha operatsiya 6 kundan beri davom etmoqda, qutqaruvchilar omon qolganlarni topishga umid qilishmayapti.

Bundan tashqari, yomon ob-havo sharoiti tufayli yana kichikroq yer o‘pirilishlar sodir bo‘lgan va bu ham qidiruvlarni murakkablashtirgan.

Avvalroq 137 kishi halok bo‘lgani, 300 kishi bedarak yo‘qolgani ma'lum qilingandi.

Vayronalar ostida fojia paytida uyquda bo‘lgan mahalliy aholining 120 tagacha uyi qolib ketgan.