Respublikamiz yoşlarini ilm-ma'rifatli har tomonlama yetuk va komil inson bölib voyaga yetişlarida asosiy tayanç ta'lim muassasasi hisoblangan Nizomiy nomidagi Toşkent davlat pedagogika universiteti özining qutluğ 80 yoşini nişonladi.
2015 yil 30 sentabr kuni Nizomiy nomidagi Toşkent davlat pedagogika universiteti taşkil etilganligining 80 yilligi bayram tantanalari taşkil etildi. Uşbu bayram ta'lim muassasasi yubileyi hamda “1 oktabr – Öqituvçi va murabbiylar” kuni umumxalq bayrami munosabati bilan taşkil etildi. Bayram tadbirlarida respublikamizning bir qator vazirlik va idoralari rahbarlari, hamkor taşkilotlar, çet el elçixonalari va banalmilal markazlar vakillari hamda OAV xodimlari iştirok etdilar. Tadbirni kiriş sözi bilan universitet rektori, pedagogika fanlari doktori Ş.S.Şaripov oçib, barça universitet jamoasini bayram bilan qutladi. Şundan söng Özbekiston Respublikasi Xalq ta'limi vaziri U.Inoyatov, Özbekiston Respublikasi Oliy Majlisi Qonunçilik deputatlari A.Qirğizboyev hamda O.Jamoldinovalar sözga çiqib bayram universitet ahlini, professor-öqituvçilar va talabalarni bayram bilan qizğin tabrikladi. Tabrik uçun sözga çiqqan xorijiy mamlakatlar oliy ta'lim muassasalari vakillari tomonidan universitet rektoriga hamkorlik uçun taşakkurnomalari va yorliqlar topşirildi.
Yoş avlodga ta'lim-tarbiya beriş, ularni zamonaviy yetuk kadrlar etib tayyorlaş işlarida faolligi va jonkuyarligi bilan alohida ajralib turgan bir guruh universitet professor-öqituvçilari “Xalq ta'limi a'loçisi”, “Örta-maxsus kasb-hunar ta'limi a'loçisi” mukofotlari va universitetning 80 yillik yubileyi nişoni bilan taqdirlandi. Universitetda a'lo baholarga tahsil oliş bilan bir qatorda ma'naviy-ma'rifiy işlardagi faolligi uçun eng iqtidorli va faol talabalar taqdirlandi. Tadbirning ma'naviy-ma'rifiy qismida “Özbeknavo” estrada birlaşmasining honandalari, elimiz suygan san'atkorlar iştirok etib barçani bayram bilan muborakbod etdi.
R.Raxmonov / “Kamolot” YoIH universitet boşlanğiç taşkiloti Kengaşi raisi
