Tvitterda Moments funksiyasi ishga tushiriladi

Twitter mikroblog xizmati real vaqtdagi eng muhim voqeiliklarni berib boruvchi yangi Moments («Hodisalar») funksiyasini ishga tushirmoqchi. Bu haqda «Gazeta.ru» kompaniya press-reliziga tayanib xabar bermoqda.

Yangi funksiya yordamida foydalanuvchilar eng muhim va ommabop voqealar bilan tanishib borishi va uning qay yo‘sinda yakun topishini kuzatish imkoniyatiga ega bo‘lishlari mumkin bo‘ladi. Foydalanuvchilar shu kabi «hodisa»ga obuna bo‘lishlari va ushbu tadbirning kechishini o‘z lentalarida kuzatib borishlari mumkin bo‘ladi. Voqea tafsilotlari yakunlangach, mazkur vaziyat ham o‘z-o‘zidan yo‘qolib ketadi.

«Hodisalar» xizmati Twitter bilan hamkorlikni yo‘lga qo‘ygan Bleacher Report, Buzzfeed, Entertainment Weekly, Fox News, Getty Images, Mashable, MLB, NASA, New York Times, Vogue va Washington Post kabi amalga oshiriladi. Tez orada Twitter bu boradagi hamkorlari soni kengayishi kutilmoqda. Hozirda mazkur xizmat AQSh uchun ishlamoqda. Tez orada xizmat boshqa mamlakatlar uchun va shuningdek Android va iOS operatsion dasturlari uchun ham ishlashni boshlaydi.

Ma'lumot o‘rnida ta'kidlab o‘tish joiz, yangi funksiya Twitter asoschilaridan biri Jyek Dorsining ijtimoiy tarmoqning direktori sifatida tayinlanganidan bir sutka o‘tib ishga tushirilgani ma'lum qilindi.