Hurmatli o‘quvchilar! Yurtimizda xafta davomida (5-11 oktabr) sodir bo‘lgan xabarlar xronikasini e'tiboringizga takroran havola etamiz.
Toshkentda ShHT sammiti arafasida Hyatt Regency mehmonxonasi foydalanishga topshiriladi>>
Toshkentda bo‘lib o‘tadigan Shanxay hamkorlik tashkiloti sammiti arafasida xalqaro toifadagi Hyatt Regency mehmonxonasi foydalanishga topshiriladi.
Paralimpiya. O‘zbekiston vakillari Osiyo-Tinch okeani o‘yinlarida 3ta medal oldi>>
Tayoyuan shahrida (Tayvan) eshitish qobiliyatini yo‘qotgan sportchilar o‘rtasida o‘tkazilayotgan Osiyo-Tinch okeani o‘yinlarida o‘zbekistonlik taekvondochilar uchta bronza medalga sazovor bo‘ldi.
Toshkentdagi lyuks mehmonxona qurilishi pensiya jamg‘armasi hisobiga davom ettiriladi>>
O‘zbekiston hukumati poytaxtdagi besh yulduzli Hyatt Regency mehmonxonasi qurilishini Jamg‘arib boriluvchi pensiya tizimi mablag‘lari hisobiga nihoyasiga yetkazish to‘g‘risida qaror qabul qildi, deya xabar bermoqda Sputnik agentligi muxbiri.
O‘zbekistonlik muftiy dunyodagi eng nufuzli musulmonlar qatorida e'tirof etildi>>
O‘zbekiston bosh muftiysi Usmonxon Alimov Iordaniyaning Amman shahridagi Qirollik strategik islom tadqiqotlar markazi tomonidan tuzilgan dunyoning eng nufuzli musulmon kishilari ro‘yxatida qayd etildi.
Toshkent va Boku xalqaro avtomobil qatnovlari haqidagi o‘zaro bitimni imzoladi>>
O‘zbekiston avtomobil va daryo transporti agentligida joriy yilning 29-30 sentabr kunlari O‘zbekiston Respublikasi va Ozarbayjon Respublikasining vakolatli organlari vakillari ishtirokida ekspert uchrashuvi bo‘lib o‘tdi.
Kun.uz “Eng yaxshi yangiliklar sayti” nominatsiyasi g‘olibi bo‘ldi>>
6 oktabrda “Turkiston” saroyida yoshlar o‘rtasida “MIT.uz” milliy internet tanlovi g‘oliblarini taqdirlash marosimi bo‘lib o‘tdi. Unda 14 yoshdan 30 yoshgacha bo‘lgan sakkiz yuzdan ortiq internet sayt muallif va ishlab chiquvchilari qatnashdi.
«O‘zbekenergo» 2016 yildan foydalanilgan elektr energiyasini hisoblovchi yangi elektron uskunalar o‘rnatadi>>
Milliy matbuot markazida «O‘zbekenergo» aksiyadorlik jamiyati faoliyatini yanada takomillashtirish va sohaga zamonaviy axborot-kommunikatsiya texnologiyalarini joriy qilish hisobidan foydalanilgan elektr energiyasi uchun hisob-kitob intizomini mustahkamlashga bag‘ishlangan matbuot anjumani bo‘lib o‘tdi.
Qirg‘iziston O‘zbekistonga boradigan suvni to‘sib qo‘ymoqda>>
Jalolobod viloyati Alobuqa tumani rahbariyati Namangan viloyatining Yangiqo‘rg‘on tumani aholisiga boradigan suvni deyarli to‘sib qo‘ydi.
O‘zbekistonda yil oxirigacha 1 mln elektr hisoblagichlar o‘rnatiladi>>
.jpg)
O‘zbekistonda yil oxirigacha 1 mln elektr hisoblagichlar o‘rnatiladi. Bu haqda Sputnik agentligi xabar bermoqda.
Samarqand shahrida dabldekerlar harakati yo‘lga qo‘yiladi>>
Samarqandda dastlabki ikki qavatli avtobus – dabldekerlar harakati yo‘lga qo‘yiladi. Bu haqda «O‘zbekturizm» korxonasi vakili Farrux Rizayev Toshkentdagi sayyohlik yarmarkasi vaqtida ma'lum qilgan deb yozadi Sputnik nashri.
Toshkent va Ashxobod o‘zaro hujjatlar paketini imzoladi>>
8 oktabr kuni Toshkentda bo‘lib o‘tgan o‘zbek-turkman muzokaralari yakuniga ko‘ra turli sohalarda ikki tomonlama munosabatlarni rivojlantirishga qaratilgan hujjatlar paketi imzolandi.
Toshkent ko‘chalarini yoritishda zamonaviy texnologiyalardan foydalanilmoqda>>
Toshkent ko‘chalarini yoritishda zamonaviy texnik yechimlardan foydalanilmoqda. Bu haqda O‘zFA Fizik-texnik institut “Fizika-Quyosh” ilmiy-ishlab chiqarish birlashmasi katta ilmiy xodimi X. Sobirov aytib o‘tdi.
O‘zbekiston Rossiyaga avtomobil eksport qilish hajmini 51 foizga kamaytirdi>>
O‘zbekiston avtomobilsozlari 2015 yilning yanvar-sentabr oylarida avtomobil eksporti hajmini 51 foiz yoki 15498 donaga qadar qisqartirdi.
"O‘zbekenergo" AJ 5 mln dona zamonaviy elektron hisoblagichlar o‘rnatishni rejalashtirmoqda>>
"O‘zbekenergo" aksiyadorlik jamiyati tomonidan elektr energiyasini nazorat va hisobga olishning avtomatlashtirilgan tizimi joriy etilgan.
Prezidentlar muzokaralar o‘tkazishdi va Toshkent bo‘ylab sayohat qilishdi>>
Avval xabar qilinganidek, O‘zbekiston Respublikasi Prezidenti Islom Karimovning taklifiga binoan Turkmaniston Prezidenti Gurbanguli Berdimuhamedov 7 oktabr kuni rasmiy tashrif bilan mamlakatimizga keldi.
O‘zbekiston mudofaa vaziri Rossiyaga taklif qilindi>>
Rossiya mudofaa vaziri Sergey Shoygu o‘zbekistonlik hamkasbi general-polkovnik Qobul Berdiyevni Moskvaga kelishga da'vat etdi. Bu taklif O‘zbekiston mudofaa vaziriga Shoyguning o‘rinbosari Anatoliy Antonov tomonidan yetkazildi.
O‘zbekiston avtomobilsozlari Moskvada yangi Ravon brendi taqdimotini o‘tkazishdi>>
O‘zbekiston avtomobilsozlari Moskvada Uz-Daewoo markasining davomchisi bo‘ladigan yangi Ravon brendi taqdimotini o‘tkazdilar. Ravon brendining shiori quyidagicha: "Vaqt bilan sinalgan, yangidan yaratilgan".
«O‘zbekiston temir yo‘llari» chiptalarni internet orqali sotishni yo‘lga qo‘yadi>>
2015 yilning 12 oktabr kunidan boshlab "Afrosiyob" tezyurar poyezdlari uchun chiptalarni elektron shaklda xarid qilish mumkin bo‘ladi. Bu haqda «O‘zbekiston temir yo‘llari» OAJ matbuot xizmati xabar tarqatgan.
O‘zbekistonda bir iste'molchiga yiliga o‘rtacha 3 ming kub metrdan ortiq tabiiy gaz to‘g‘ri kelmoqda>>
O‘zbekiston Respublikasi Oliy Majlisi Qonunchilik palatasining Sanoat, qurilish va savdo masalalari qo‘mitasi yig‘ilishida aholini tabiiy va suyultirilgan gaz bilan ta'minlashning bugungi holati, sohaga oid huquqiy hujjatlarni takomillashtirish bo‘yicha taklif va tavsiyalar ishlab chiqishga doir axborot tinglandi.
O‘zbekistonda traktorlarga dalaning o‘zida gaz quyiladi>>
O‘zbekistonda qishloq xo‘jalik texnikalarida siqilgan tabiiy gazdan foydalanishga o‘tish bo‘yicha sinov dasturi amalga oshirilmoqda, deya xabar berdi Sputnik Qishloq va suv xo‘jaligidagi axborot manbasiga tayangan holda.
Bombardier O‘zbekiston bilan hamkorlikni kengaytiradi>>
Noyabr oyi boshida O‘zbekistonda Xalqaro investitsiya forumi boshlanadi. Unda ko‘plab xorijiy hamkorlar va ishbilarmon doira vakillari ishtirok etish istagini bildirgan.
Poytaxtdagi Do‘rmon yo‘li bilan Bog‘ishamolni bog‘lovchi avtomagistral qurilishi davom ettirilmoqda>>
Avval xabar qilinganidek, «O‘zavtoyo‘l» kompaniyasining Toshkent Ko‘prik xo‘jaligini saqlashga ixtisoslashtirilgan ta'mirlash-foydalanish korxonasi (KXSITFK) mutaxassislari tomonidan Toshkent shimoli-sharqida poytaxtning ikkita serqatnov - Bog‘ishamol va Mirzo Ulug‘bek ko‘chalarini tutashtiradigan yo‘l uchastkasi qurilmoqda. Mytashkent.uz saytining xabar qilishicha, bugungi kunga kelib, magistral qurilishida asosan asfaltning so‘nggi qatlamini yotqizish ishlari qolgan.