11:26 / 13.10.2015
12997

OAV: uvol tushunchasi bora-bora ertakka aylanib qolishi mumkin

“Oila davrasida” gazetasi sahifalaridan to‘y-ma'rakalardagi isrofgarchilik hamda “uvol” tushunchasining unutilib borayotgani masalasiga bag‘ishlangan material e'lon qilindi.

“Isrofgarchilik katta gunoh sanaladi, - deb yozadi muallif. – Uvol qilish esa barakani ketkazadi. Ammo bugun bu kabi qadriyatlarimizning e'tibordan biroz olisda qolib ketayotgandek. Yoshlar-ku, mayli, yosh, ular bunday gaplardan bexabar-da, deymiz. Lekin otaxon-u onaxonlar, ko‘pni ko‘rgan kayvonilar, to‘yboshilar ham uvolga arzimas narsa deb qaraydigan bo‘lib qolishgan”.

Muallifning fikricha, yo‘l qo‘yilayotgan isrofgarchilik oqibatida bu qadriyat unutilib ketishi mumkin.
“Agar shu zaylda ketaveradigan bo‘lsak, yoshlar bunaqa tushunchalarni bora-bora ertak deb qabul qilishi aniq”, - deydi u.

Top