O‘zbekiston-Qirg‘iziston chegarasida narkotrafikka qarshi kurash markazi ochiladi

O‘zbek-qirg‘iz chegarasi uchastkasida giyohvand moddalarning noqonuniy aylanishiga qarshi qarshi kurashish uchun hamkorlikdagi chegara idorasi ochiladi, deya xabar qildi RIA “Novosti” mazkur loyihani amalga oshirgan BMTning narkotiklar va jinoyatchilik bo‘yicha boshqarmasi (UNODC)ning Toshkentdagi byurosi ma'lumotiga asoslangan holda.

Idora “Do‘stlik” nazorat-o‘tkazish punktida tashkil etilib, uning jihozlanishi Bishkek, Toshkent va xalqaro sheriklar tomonidan amalga oshiriladi.

UNODC vakilining oydinlik kiritishicha, idora razvedka ma'lumotlarini ayirboshlash mexanizmlari va ikki mamlakat chegara tuzilmalari o‘rtasida aloqani tashkil etish bo‘yicha loyiha doirasida faoliyat ko‘rsatadi. Chegaralar bo‘ylab yana bir nechta shu kabi idoralar tashkil etish rejalashtirilgan.

O‘zbekiston va Qirg‘iziston hududlari orqali “Shimoliy yo‘nalish” deb nomlanuvchi Afg‘onistondan Rossiya, so‘ngra Yevropa mamlakatlariga har yili 100 tonnagacha kuchli ta'sir ko‘rsatuvchi narkotik moddalar olib o‘tiladigan giyohvand moddalarni yetkazib berish bo‘yicha dunyodagi yirik narkooqim joylashgan.