Krishtianu Ronaldu 36 yoshiga qadar yuqori saviyada o‘yin ko‘rsatishda davom etmoqchi

O‘tgan mavsum yakunlariga ko‘ra "Oltin butsa" sohibiga aylangan Krishtianu Ronaldu o‘zining hozirgi sport formasini 36 yoshiga qadar saqlab qolmoqchi.

"Oltin butsa" mukofotini to‘rtinchi marta qo‘lga kiritgan "Real" hujumchisi kelgusida ham mukofotlar olishda davom etishni rejalashtirgan.

"Menga qanday oyoq kiyimda gol urishning farqi yo‘q. Oddiy butsalarda ham o‘ynay olaman. Muhimi gol urish. Umid qilamanki, hozirgi jismoniy holatim va sport formam kamida 36 yoshimgacha saqlanib qoladi", deydi portugaliyalik futbolchi o‘zining to‘rtinchi "Oltin butsa"sini qabul qilib olganidan so‘ng.

2014-2015 yillar mavsumiga ko‘ra Ronaldu 48ta gol urdi. Joriy mavsumda esa u La ligadagi 7ta o‘yinda 5ta gol urdi.