01:26 / 16.10.2015
14882

G‘aroyibot: Internetda Xitoy osmonida “arvoh-shahar” manzarasi tasvirlangan video paydo bo‘ldi

Xitoyning Tszyansi va Guandun viloyatlari aholisi osmonda g‘aroyib hodisaning guvohi bo‘lishdi va buni kameralarga qayd qilishdi: osmonda bulutlar orasida suzib yurgan osmono‘par binolar tasviri ko‘rindi. Birinchi marta bunday holat oktabr boshida  Guandun viloyatining Foshan shahrida, bir necha kundan keyin esa Tszyansida kuzatilgan.

Olimlar bu holatni ufq chizig‘i ortida joylashgan fizik obektlarni ko‘rish imkonini beruvchi atmosferada yorug‘lik akslanishining o‘ziga xos  sharoitlari bilan tushuntirdilar.

Olim bo‘lmaganlar esa turli, hattoki fantastik gipotezalarni keltirishmoqda. Misol uchun, ularning fikricha, suzib yuruvchi shaharlarning paydo bo‘lishi NASA’ning “Ko‘k nur” maxfiy dasturining natijasi bo‘lib, bu dastur AQShga raqobatchi davlatlardagi tuzumlarni u yerdagi aholining ruhiyatiga ta'sir qilib, ag‘darishga yordam berishga qaratilgan.   

Top