Indoneziyada mamlakat tarixidagi eng yirik o‘t o‘chirish operatsiyasi boshlandi

Indoneziyada mamlakat tarixidagi eng yirik o‘rmon yong‘inlarini o‘chirish operatsiyasi boshlandi. The Straits Times nashrining yozishicha, unda 20 ming kishi va 32 texnika birligi ishtirok etmoqda.

Tabiiy ofatlarga qarshi kurash milliy agentligining ma'lumotlariga qaraganda, tahlika zonasiga 21 vertolyot, o‘t o‘chirishga 7 va yomg‘ir bulutlarini shakllantirish uchun 4 samolyot yo‘llangan. Ularning 7tasi Singapur, Malayziya va Avstraliya tomonidan berilgan.

Yaponiya ham yordam tariqasida 2 tonna maxsus reagent yo‘llagan. Politsiya Xitoy va Malayziyaning o‘rmon yong‘inlariga aloqadorlikda gumon qilinayotgan bir qator kompaniyalarini taftish qilmoqda.