FIFA tomonidan 2015 yilning eng yaxshi murabbiyi bo‘lishga nomzodlar ma'lum qilindi.
Bu borada o‘tgan mavsumda Ispaniyaning "Sevilya" jamoasi bilan Yevropa Ligasi turnirida g‘olib bo‘lgan Unai Emeri asosiy da'vogar sifatida ko‘rilmoqda.
Ushbu mutaxassis ketma-ket 2 mavsum davomida bu turnir g‘olibligini qo‘lga kiritgani uning mukofotga ega chiqishi uchun asos bo‘lishi aytilmoqda.
Emeri bilan yana 9 nafar murabbiy bu mukofot uchun kurashadi.
Ular quyidagilar: Arsen Venger ("Arsenal", Angliya), Massimiliano Allegri ("Yuventus", Italiya), Karlo Anchelotti ("Real", Ispaniya), Loran Blan (PSJ, Fransiya), Xosep Gvardiola ("Bavariya", Germaniya), Luis Enrike ("Barselona", Ispaniya), Xorxe Sampaoli (Chili terma jamoasi bosh murabbiyi), Diyego Simeone ("Atletiko", Ispaniya) va Joze Mourino ("Chelsi", Angliya).
Eng yaxshi murabbiy nomi ham "Oltin to‘p" sohibi kabi 2016 yilning 11 yanvarida ma'lum qilinadi.