Iroqda harakat qilayotgan qozog‘istonlik jangari yosh boladan jangari tayyorlanishi aks etgan videolavhani internetga joylashtirdi.
Videolavha 14 oktabr kuni Facebook tarmog‘ida paydo bo‘ldi. Unda qozoq bolaning terrorchilar qarorgohida tayyorgarlik ko‘rishi aks etgan.
O‘zini Abu Oysha al-Qazoqiy deb nomlagan foydalanuvchining videosida 10 yosh bolaning IShID instruktorlarining o‘qlari yomg‘iri ostida tikanli sim ostidan o‘tayotgani aks etgan. O‘qlar uning yuzi yaqinidan o‘tayotgani aks etgan. Bolaning yuzi ko‘rsatilmagani bilan, u al-Qazoqiyning o‘g‘li bo‘lishi mumkinligi aytilmoqda.
Ta'kidlanishicha, al-Qazoqiy bir necha oylardan buyon shunday materiallarni chop etib bormoqda. May oyida u 15 yoshli o‘g‘li Iroqda o‘ldirilgan qirg‘izistonlik jangarini maqtab “VKontakte” ijtimoiy tarmog‘ida izoh qoldirgan edi.