Turkiyada 3 oy davomida terrorchilikda gumon qilinib 1673 kishi hisbga olindi

Turkiya politsiyasi 3 oy davomida terrorchilik faoliyatiga aloqadorlikda gumon qilib 1673 kishini hibsga oldi, ulardan 1308 nafari Turkiyada man qilingan Kurdiston ishchi partiyasiga aloqadorlikda, 276 nafari IShIDga aloqadorlikda gumon qilinmoqda, deb aytdi 20 oktabrda Turkiya adliya vaziri Kenan Ipek.

“22 iyuldan 20 oktabrgacha Kurdiston ishchi partiyasi va unga yaqin tuzilmalar a'zosi bo‘lgan 1308 kishi hibsga olindi. Shuningdek, 276 nafar IShID a'zosi, Inqilobiy xalq-ozodlik partiyasi va boshqa so‘l ekstremistik tashkilotlarning 89 a'zosi hibsga olindi. Umumiy hisobda 1673 kishi hibsga olindi”, deb aytdi Ipek Anqaradagi matbuot-anjumanida.