Fransiyada pensionerlar ketayotgan avtobus YTHga uchrab, 49 kishi halok bo‘ldi

Bugun, 23 oktabr kuni tongida Fransiyaning janubi-g‘arbidagi Akvitaniya viloyati, Jironda departamentining Pyuissigen shahrida halokatli yo‘l transport hodisasi ro‘y berdi.

Sky News nashri ma'lumotiga ko‘ra, bu hodisa natijasida halok bo‘lganlar soni 49 nafarga yetgan.

Ma'lum qilinishicha, pensionerlar mingan avtobus yuk mashinasi bilan to‘qnashib ketgan.

To‘qnashuvdan keyin ikki transport vositasida ham yong‘in chiqqan.

Shuningdek, 8 kishi jarohatlangan holda shifonaga yetkazilgan. Ular derazalarni sindirgan holda tashqariga chiqishgan va yong‘indan qutulib qolishgan. Ulardan 3 nafarining ahvoli og‘irligi qayd qilingan. 

Voqea joyiga o‘t o‘chirish xizmatining 60 nafar xodimi yetib kelgan.

Avtobusdagi yo‘lovchilar Bearnga ekskursiya uchun yo‘l olishgandi.

Fransiya prezidenti Fransua Olland ushbu voqeani "dahshatli fojia" deya atab, marhumlarning yaqinlariga ta'ziya bildirgan.

"Fransiya hukumati bu dahshatli voqeadan chuqur qayg‘uda", deb yozdi u o‘z tvitterida.