16:37 / 23.10.2015
3778

Misrda arab sivilizatsiyasi va islomiy san'at durdonalari bo‘yicha I Xalqaro konferensiya o‘tkaziladi

Misr arab respublikasining Sharm ash-Shayx shahrida shu yilning 22-24 oktabr kunlari arab sivilizatsiyasi va islomiy san'at durdonalari bo‘yicha I Xalqaro konferensiya o‘tkaziladi. Unda mutaxassislar, tadqiqotchilar, shuningdek, AySeSKO tashkiloti, islom san'atlariga tegishli muassasa va tashkilotlarning vakillari ishtirok etishadi.

Konferentsiyani o‘tkazishdan ko‘zlangan asosiy maqsad – arab sivilizatsiyasi va islomiy san'at durdonalarining xalqaro miqyosda ahamiyatini oshirish, ularning qadimgi va hozirgi asrimizdagi sivilizatsiyalar o‘rtasidagi o‘rnini belgilash, xalqlar o‘rtasida do‘stlik va hamkorlik rishtalarini mustahkamlash, madaniyatlar va dinlar o‘rtasidagi bag‘rikenglikni namoyish qilish.

Eslatib o‘tamiz, konferensiya doirasida islom me'morchiligi sohasidagi badiiy ijodkorlikka oid ko‘rgazma ham tashkil qilinadi.

Manba: muxlis.uz

Top