Amerikaning Portlend (Oregon shtati) shahrida noodatiy o‘g‘irlik sodir bo‘ldi. Pichoq bilan qurollangan o‘g‘ri uyga yashirincha kirgan va uxlab yotgan xonadon egalari oldigacha borib, ularning buyumlarini o‘margan. Sekingina qochib qolish o‘rniga liboslarini yechib, oilaviy juftlik uxlayotgan yotoq o‘rniga cho‘zilgan.
Associated Press agentligi xabariga ko‘ra, o‘g‘ri bu bilan ham tinchlanmasdan, o‘z qurbonlaridan o‘pich olishga qaror qiladi. O‘z hissiyotlarini ifoda etishning yorqin pallasiga kelganida uy egasi uyg‘onib qoladi va o‘g‘rini itarib yuborib, to‘pponchasidan jinoyatchiga qarata uch marotaba o‘q uzadi. O‘g‘rining baxtiga o‘qlar boshqa tomonga uchadi. G‘aroyib jinoyatchi libosini kiyishga zo‘rg‘a ulguradi va qochib qoladi.
Gumondor shaxs ozodlikda uzoq yura olmadi. 32 yoshli Richard Defeydis politsiya tomonidan bo‘sh turgan qo‘shni uydan tutib olinib, giyohvand modda iste'mol qilmagani aniqlanishi uchun shifoxonaga jo‘natiladi. Shundan so‘ng unga nisbatan buzib kirish bilan o‘g‘irlik qilish, jinsiy tajovuzkorlik va quroldan noqonuniy foydalanish ayblari ilgari surildi.