O‘zbekiston MXX Davlat chegarasini qo‘riqlash qo‘mitasi vakili ma'lum qilganidek, o‘zbek chegarachilarining qidiruv operatsiyasi natijasida Tojikistonning So‘g‘d viloyati Panjikent tumani Farob aholi punkti yaqinida 2 nafar jasad aniqlangan.
Avvalroq Tojikistonning Panjikent hududi chegara vakili 14 oktabrda ikki nafar tojikistonlik ovga chiqib ketib, qaytib kelmaganini ma'lum qilgandi. O‘zbek chegarachilari tomonidan yondosh hududlar tekshirilganda davlat chegarasi buzilganligining hech qanday alomati aniqlanmagan va tojikistonlik chegarachilar bu haqda xabardor qilingan edi.
Topilgan jasadlar ovchilar ekanligi aytilmoqda.
“Jasadlar Tojikistonga chegara xizmatlari liniyasi orqali topshirildi”, deb aytilmoqda xabarda.