Amerikalik milliarder va investor Karl Aykan o‘zining “siyosiy harakat superqo‘mitasi”ni ishga tushirishini ma'lum qildi. Bu haqda The Street nashri yozmoqda.
Guruh AQSh soliq tizimini “kapital ta'mir”dan o‘tkazish yo‘lida harakat qiladi. Bundan ko‘zlangan asosiy maqsad yirik korporatsiyalar shtab-kvartiralarini mamlakatdan tashqariga olib chiqib ketmasligiga erishishdir.
Aytilishicha, birinchi navbatda Apple korporatsiyasining asosiy kapitali AQShga qaytariladi.
Moody's hisob-kitoblariga qaraganda, 2014 yil 31 dekabridagi holatga ko‘ra Apple’ning mamlakat tashqarisidagi aktivlari 158 mlrd dollarga baholanib, umumiy kapitalining 89 foizini tashkil qiladi. Bugungi kunda bu ko‘rsatkchik 200 mlrd dollarga yetgan bo‘lishi mumkin.