Turkiyaning Antalya kurorti 2015 yilda rossiyalik sayyohlar oqimining kamayishi oqibatida 5 mlrd dollar zarar ko‘radi. Bu haqda Hurriyet Daily News nashri Professional Hotel Managers Association (POYD) tashkiloti ma'lumotlariga tayangan holda xabar qilmoqda.
Professional Hotel Managers Association rahbari Ali Qizildog‘ning so‘zlariga qaraganda, joriy yilning dastlabki 9 oyi ichida Rossiyadan kelayotgan turistlar oqimi 25 foizga kamayib ketdi. Ularning xarajatlari miqdori ham 50 foizga qisqardi.
Bunga asosiy sabab sifatida Rossiyada avj olgan iqtisodiy inqiroz keltirilmoqda. Turkiya tomonidan rossiyalik turistlarni rag‘batlantirish yo‘lida ko‘rilayotgan chora-tadbirlar, xususan, charter reyslariga subsidiyalar ajratish yetarlicha natija bermayotgani ta'kidlandi.