FIFA prezidentlik saylovi uchun nomzodlarni ro‘yxatga olishni to‘xtatdi

FIFA prezident sayloviga nomzod sifatida 7 kishining hujjatlarini ro‘yxatdan o‘tkazdi. Bu haqda tashkilotning rasmiy saytida ma'lum qilingan.

Shu tariqa, endilikda futbol faoliyatidan 90 kunga chetlashtirilgan UYeFA prezidenti Mishel Platini, UYeFA bosh kotibi Janni Infantino, FIFA Ijroqo‘mi sobiq a'zosi Jyerom Shampan, Iordaniya shahzodasi Ali bin Al-Hussayn, OFK rahbari, bahraynlik shayx Salmon ibn Ibrohim, Liberiya futbol uyushmasi rahbari Musa Biliti hamda Janubiy afrikalik multimillioner Mosima Gabriel Sevale FIFA prezidentligi uchun rasman nomzod hisoblanishadi.

Trinidad va Tobago terma jamoasining sobiq futbolchisi Devid Naxid, braziliyalik futbol murabbiyi Ziko, FIFAning sobiq prezident o‘rinbosari Chxon Mon Jun kabilarning arizalari qabul qilinmadi.

Saylov 2016 yilning 26 fevraliga belgilangan.