AQSh va XXR admirallari dengizdagi operatsiyalar masalasida videokonferensiya olib borishadi

AQShning harbiy-dengiz operatsiyalari boshlig‘i admiral Jon Richardson va uning xitoylik hamkasbi admiral Shengli 29 oktabr kuni bir soatli videokonferensiya o‘tkazishadi, deb ma'lum qilmoqda Reuters AQSh hukumati rasmiy vakili xabariga asoslanib.

Muloqot har ikki tomon tashabbusi bilan amalga oshirilmoqda. Unda Janubiy-Xitoy dengizida yaqinda amalga oshirilgan operatsiya va ikki tomon dengiz munosabatlari haqida so‘z borishi rejalashtirilgan, deb ma'lum qilmoqda rasmiy vakil.

Bu Richardson va Shengli o‘rtasidagi bo‘lib o‘tgan uchinchi videokonferensiya bo‘ladi.