AQSh ma'muriyati Suriya va Eronni Rossiyaning yagona do‘stlari deb atadi

Oq uyning rasmiy vakili Josh Ernest Suriya va Eronni Rossiyaning yagona do‘stlari deb atadi. Bu haqda RIA “Novosti” xabar bermoqda.

“Rossiya iqtisodi judayam yomonlashmoqda. U har tomonlama qurshovga olingan. Va bu faqatgina Yevropa mamlakatlari tomonidan amalga oshirilmayapti”, — dedi u.
Uning ta'kidlashicha, “Suriyadagi vaziyatda Rossiya botqoqqa yanada chuqurroq kirsa, ana shunda uning yonida turgan do‘stlari Suriyaning zaif hukumati va Eron rejimi ekanligini tushunib yetadi”.

Ernestning so‘zlariga ko‘ra, “Bir vaqtlar sobiq ittifoq tushgan vaziyatga bugungi kunda Rossiya tushib qolmasligi kerak”.