Dori-Darmon AK dorixonalar va dori vositalari narxlarini O‘zbekiston ochiq ma'lumotlar portaliga joylashtirdi.
Ushbu ro‘yxatdan kompaniyaga tegishli dorixonalar nomlari, manzillari, aloqa raqamlari va ish soatlari haqidagi ma'lumotlar o‘rin oldi. Shuningdek, ro‘yxatga dorixonalarni topish uchun qulaylik yaratish maqsadida elektron xarita ilova qilindi.
Ayni kunlarda Dori-Darmon AK strukturasida 1 364 dorixona va dorixona filiallari mavjud.
Dori vositalari ro‘yxatida esa Toshkent shahri va viloyati, Namangan, Samarqand, Sirdaryo viloyatlari va Termiz shahrida joylashgan dorixonalarda realizatsiya qilinadigan 1 729 nomdagi dori vositalari haqida ma'lumotlar keltirildi.
Kompaniya matbuot xizmatining ta'kidlanishicha, bu ma'lumotlar ayrim hollarda kuzatilishi mumkin bo‘lgan dori vositalari narxlarini oshirib sotish holatlarining oldini olishga xizmat qiladi.