Floridada Boeing samolyoti yonishi oqibatida 15 nafardan ko‘proq yo‘lovchi jarohat oldi

AQShning Florida shtatidagi Fort-Loderdeyl/Xollivud aeroportida Dynamic International Airways aviakompaniyasining Boeing 767 samolyoti dvigateli yonib ketishi oqibatida 15 nafardan ko‘proq yo‘lovchi jarohat oldi, deb xabar bermoqda CNN telekanali.

Jabrlanganlarning barchasi shifoxonaga olib ketilgan, bir kishi jiddiy kuyish jarohatlari olgan.

Voqeani tergov qilish uchun maxsus komissiya tashkil etildi.

Avvalroq samolyot aeroport uchish-qo‘nish polosasida bevosita parvozdan oldin yonib ketgani ma'lum qilingandi.