WSJ: Markaziy Osiyoning minglab aholisi Suriyadagi IShID safiga borib qo‘shilgan

Markaziy Osiyoning minglab aholisi Suriyadagi IShID terrorchilik guruhi safiga borib qo‘shilgan. Bu haqda AQShning Wall Street Journal gazetasi yozmoqda.

"Markaziy Osiyoning minglab musulmonlari 2011 yildan, Suriyadagi urush boshidanoq terrorchilar safiga borib qo‘shilgan. Ayrimlar IShID tarkibiga, boshqalari esa “Front an Nusra” , boshqa birovlari esa “Al Qoida”ning Suriyadagi mahalliy shirkatiga borib qo‘shilgan”, - deyiladi maqolada.

Nashrning yozishicha, Suriyadagi janglarda jangarilar tarkibida mintaqaning besh mamlakati – Qirg‘iziston, Tojikiston, O‘zbekiston, Qozog‘iston va Turkmaniston fuqarolari bor. Gazeta ma'lumotiga ko‘ra, Qirg‘izistonning o‘zidan besh yuzga yaqin kishi terrorchilar safiga borib qo‘shilgan. Gazetaning qayd etishicha, ularning aksariyati IShID safida turib jang qilmoqda. Nashr bunga misol qilib, Tojikistonning maxsus xizmatlari sobiq boshlig‘i Gulmurod Xalimovning IShID terrorchilik safiga o‘tib ketganini ko‘rsatgan.