Turkiya-Suriya chegarasi yaqinidagi Turkiyaning Mardin viloyati Nusaybin shahri markazida portlash yuz berdi, deb xabar bermoqda Haber Turk nashri.
Dastlabki ma'lumotlarga ko‘ra, turar-joy binosi yaqiniga qo‘yilgan avtomobil portlagan. Kechga yaqin yuz bergan portlash oqibatida yo‘lovchilar jarohat olgan.
Portlash yuz bergan joy yaqinidagi savdo majmuasida yong‘in chiqqan va buning oqibatida yana 20 kishi jabrlangan. Hozirda barcha jabrlanganlar shifoxonaga yetkazilgan. Voqea tafsilotlari aniqlashtirilmoqda.
Avvalroq turk politsiyasi Diyorbakir shahrida mamlakatda o‘tgan parlament saylovlari natijalaridan norozi bo‘lganlarga qarshi ko‘zni achishtiruvchi gaz qo‘llagani ma'lum qilingandi.