Braziliya futbol konfederatsiyasining sobiq prezidenti AQShga ekstraditsiya qilindi

Braziliya futbol konfederatsiyasining sobiq prezidenti Xose Mariya Marin AQShga ekstraditsiya qilindi. Bu bo‘yicha qaror 28 oktabr kuni Shveytsariya Adliya va politsiya vazirligi tomonidan qabul qilingan.

FIFAdagi mojarolar shu yilning may oyidan beri davom etib kelmoqda. 26 may kuni tashkilotning vitse-prezidenti, ijro qo‘mitasi a'zosi Jyeffri Uebb, vitse-prezident Euxenio Figeredo, ijro qo‘mitasi Eduardo Li, rivojlanish masalalari direktori Xulio Rocha, KONKAKAF prezidenti attashesi Kostas Takkas, Venesuela futbol federatsiyasi rahbari Rafael Eskevel va Braziliya FKning sobiq prezidentiga Xose Mariya Marin poraxo‘rlik jinoyati bo‘yicha gumonlanib, qo‘lga olingandi.

Tergov ma'lumotlariga ko‘ra, FIFA tizimida keyingi 20 yilda poraxo‘rlik muammosi keng miqyosda avj olgan. Futbol amaldorlari poraxo‘rlikdan tashqari, firibgarlik va pul yuvish jinoyatlarida ayblanmoqda.