17:43 / 05.11.2015
2398

Ruminiya Ta'lim vaziri bosh vazir vazifasini vaqtincha bajarishga kirishdi

Ruminiya prezidenti Klaus Yoxannis Ta'lim vaziri Sorina Kimpyanuni vaqtincha bosh vazir lavozimini bajaruvchi qilib tayinladi, deya xabar bermoqda RIA “Novosti”.

Bu haqda prezident saroyida bo‘lib o‘tgan brifing chog‘ida e'lon qilindi.
Bundan avvalroq esa Ruminiya bosh vaziri Viktor Ponta iste'foga chiqarilgan edi.
Iste'foga chiqish to‘g‘risidagi qaror poytaxt Buxarest shaxridagi klublardan birida yuzaga kelgan yong‘indan so‘ng bo‘lib o‘tgan ommaviy norozilik namoyishi ortidan qabul qilindi.

Eslatib o‘tamiz, 2015 yil 31 oktabr kuni Colectiv tungi klubida mushakbozlik vaqtida yong‘in kelib chiqib, birgina chiqish yo‘li oldida tiqilinch yuzaga kelgan, oqibatda 32 kishi kuyish va is gazidan zaharlanish natijasida vafot etgan edi.

Top