Buyuk Britaniyaning 11 ta samolyotidan ikkitasi Kiprdan Misrning Sharm-al-Shayx shahriga sayyohlarni olib chiqib ketish uchun jo‘nadi, deb xabar bermoqda Associated Press axborot agentligi.
Shuningdek, yana uchta 180 kishilik samolyot kelishi kutilmoqda.
Manbaning ma'lumotlariga ko‘ra, qolgan barcha samolyotlar ayni paytda Buyuk Britaniyaga bo‘sh qaytgan. Hozirda katta yuklamaga uchrayotgan Sharm-al-Shayx aeroporti faqatgina cheklangan miqdordagi reyslarni eplay olishi qayd qilinmoqda.
Avvalroq Britaniya o‘z fuqarolarini Misrdan 10 kun ichida olib chiqishni rejalashtirayotgani ma'lum qilingandi.