Yangi Zelandiyadagi birinchi mushuklar kafesi xitga aylandi

Yangi Zelandiyaning Oklend shahridagi The Cat Lounge kafesi mavsus xitiga aylandi, deb xabar beradi Stuff.co.nz. Mamlakatda ochilgan bu turdagi birinchi muassasa asoschilari Mayk Jons va Viki Chepmenlar erishilgan muvaffaqiyatdan o‘zlari ham taajjubda ekanliklarini tan oldilar.

Kafe 7 noyabr kuni ochildi. Ikki kun ichida unga 500 mijoz tashrif buyurdi.
“Aqldan ozish mumkin. Bu bizning anshlag”, - dedi Jons.
Muassasada jami 18 o‘rin mavjud.

The Cat Lounge’da 15 mushuk yashaydi; ular kafe ichiga kirib, mijozlar bilan o‘ynaydi. Binoda tirnoq charxlash uskunalari, o‘yin majmualari, divanlar, kaminlar va sayr zonasi bor. Tematik kafe mushuklari uchun insonlardan dam oladigan hudud ham inobatga olingan.
Bundan tashqari, kichik ekranlar orqali mushuklarga daxldor filmlar va videolavhalar namoyish etiladi.