Aktyor Deniyel Kreyg Britaniyaning Capital FM radiosidagi efir vaqtida One Direction guruhi qatnashchisi Nayl Xoranni josus 007 haqidagi navbatdagi filmlarda bosh qahramon obrazida ko‘ra olishini aytdi. Bu haqda People jurnali ma'lum qilmoqda.
Kreyg 22 yoshli Xoranga roldan zavq olishni (agar shu darajaga yetib borsa) va o‘z ishini qo‘lidan kelgancha mukammal bajarishni tilagan. “Barcha filmlarimda bir narsaga intilganman. Ularni yodda qolishi qanchalik zarur bo‘lsa, shunchalik harakat qilganman”, — dedi aktyor va o‘zi ishtirok etgan Bond haqidagi barcha filmlardan faxrlanishini qo‘shimcha qilib o‘tgan.
Xoranning o‘zi esa 2013 yilda o‘z tvitterida Bond haqidagi filmda o‘ynash xohishi borligi haqida aytib o‘tgan: “Skayfoll”ni tomosha qilyapman. Bo‘lg‘usi Bond ekanligim haqida o‘ylayapman! Menga halaqit bermang!”