Dunyodagi eng tez mashina ixtirochisi ming ot kuchiga ega elektrokar ishlab chiqadi

AQShning Hennessey Performance kompaniyasi (dunyodagi eng tezkor mashina - Venom GT’ni yaratgani bilan mashhur) elektromobil ishlab chiqarishni rejalashtirmoqda. Bu haqda kompaniya rahbari Jon Xennessiga tayangan holda Top Gear xabar bermoqda.

“Biz biron-bir elektrik narsa o‘ylab topmoqchimiz. Biz batareyalar quvvati oshib, hajmi kamayadigan paytni kutmoqdamiz. Ko‘p kutmasak kerak deb o‘ylayman”, - dedi Xennessi.
Agar kompaniya ishlanmalarga hoziroq kirishsa, bugungi texnik imkoniyatlar doirasida vazni 2 tonna bo‘lgan mashina yarata oladi.

Bundan tashqari, Xennessi gibridlar ustida ishlanmasligini ta'kidladi.
“Ferrari, Porsche va McLaren gibrid texnologiyalari bilan ajoyib ishlar bajardilar, lekin menga bu qiziq emas. Venom’da faqat elektromotorlar bo‘lishi mumkin”, - qo‘shimcha qildi Hennessey Performance rahbari.

Oktyabr oyi oxirida kompaniya Venom GT superkarning elektrik versiyasini taqdim qildi. U 1451 ot kuchiga ega V8 tvin-turbo dvigateliga ega bo‘ldi; bu ko‘rsatkich standart versiyaning agregatidan 207 ot kuchiga ko‘proqdir. Mashinaning bu versiyasi maksimal darajada 450 km/soat tezlikka chiqa oladi.