O‘zbekistonda joriy hafta oxirigacha yomg‘irli kunlar davom etadi

O‘zbekiston gidrometeorologiya markazi xizmatining ma'lum qilishicha, 13-15 noyabr kunlari O‘zbekistonning barcha hududlarida yomg‘ir yog‘ishi kutilmoqda.

Qoraqalpog‘iston va Xorazm viloyatlari hududida qor yog‘ish ehtimoli ham mavjud.

Umuman olganda yomg‘irli havo O‘zbekiston bo‘ylab 16 noyabrga qadar davom etishi kutilmoqda.

Toshkent shahrida 13 noyabr kuni kechasi 4-9, kunduzi esa 12-17 daraja issiq bo‘lishi prognoz qilingan.

14-16 noyabr kunlari issiqlik 10-15 darajaga tushishi aytilgan.

13-15 noyabr kunlari tog‘li hududlarda ham yomg‘ir yog‘ishi kutilyapti. Havo harorati kechasi 0-5, kunduzi 3-8 daraja issiq bo‘lishi kutilmoqda.