Ukrainada xorijiy yollanma jangchilarni harbiy xizmatga qabul qilish to‘g‘risidagi qonun kuchga kirdi

Ukraina hududida xorijliklarni harbiy xizmatlarga qabul qilish to‘g‘risidagi qonun kuchga kirdi. Qonun matni 11 noyabrda Ukraina Oliy radasi saytida e'lon qilindi.

Hujjat matniga ko‘ra, u e'lon qilinganidan bir kun o‘tib, ya'ni 12 noyabrda kuchga kiradi.
Aniqlik kirituvchi tushuntirish xatida keltirilishicha, qonun Ukraina qurolli kuchlari jangovar salohiyatini oshirish va mamlakatning Ukraina sharqida olib borilgan harbiy harakatlaridagi insoniy va moliyaviy yo‘qotishlarini kamaytirish maqsadlarida qabul qilindi.

Shuningdek, qonun loyihasida xorijliklar hisobiga Ukraina mamlakatning fuqarolar safarbarligiga bo‘lgan talabini kamaytirish va harbiy harakatlar ishtirokchilari, nogironlar va halok bo‘lganlar oilalariga ajratiladigan to‘lovlar miqdorini kamaytirish to‘g‘risida so‘z boradi.

6 oktabr kuni Oliy rada xorijliklar va fuqaroligi bo‘lmaganlarga Ukraina Qurolli kuchlari xizmatiga olishiga imkon beradigan qonunni qabul qilgan edi.