AQSh prezidenti Barak Obamaning jadvalida Antaliyada bo‘lib o‘tadigan “katta yigirmatalik” (G20) sammitida Rossiya prezidenti Vladimir Putin bilan uchrashuv belgilanmagan, deb xabar bermoqda Reuters axborot agentligi.
Bu haqda AQSh prezidentining Oq uydagi matbuot-anjumanida e'lon qilingan jadvalidan ma'lum bo‘ldi.
Biroq Oq uyda Rossiya va AQSh prezidentlari o‘rtasida muzokara bo‘lishi mumkinligi istisno qilinmayapti.
Obamaning milliy xavfsizlik bo‘yicha maslahatchisi Syuzan Raysning aytishicha, Oq uyda bunday formatdagi ko‘p tomonlama uchrashuvlarda bo‘lgani kabi ikki davlat yetakchisining G20 doirasida suhbatlashishlarishga imkon bo‘lishi mumkinligi kutilmoqda.
Sammit doirasida Obamaning Turkiya prezidenti Rajab Toyib Erdo‘g‘an bilan uchrashuvi belgilangan.