Ukraina prezidenti Petr Poroshenko yaqindagina mamlakat milliy politsiyasi ichki xavfsizlik departamenti rahbari lavozimiga tayinlangan Georgiy Grigalashviliga Ukraina fuqaroligini berish to‘g‘risidagi qarorni imzoladi. Bu haqda davlat rahbari matbuot xizmati xabar berdi.
“Siz Gruziya huquqni muhofaza qilish tizimini isloh qilish bo‘yicha natijalar ko‘rsatgan edingiz, ularni Ukrainada ham namoyish etishingiz kerak. Mahoratingiz va tartib-intizomingizga umid bildirmoqdaman”, - dedi Poroshenko.
Grigalashvili politsiya tomonidan amalga oshiriladigan qonun buzilishlari ustidan nazorat o‘rnatib, milliy politsiya ichida poraxo‘rlikka qarshi kurash olib boradi.
Bundan avvalroq esa Ukraina milliy politsiyasi rahbarligiga Gruziyaning boshqa bir sobiq fuqarosi Xatiya Dekanoidze tayinlangani haqida xabar qilingan edi. U Gruziyada ta'lim vaziri lavzimida faoliyat ko‘rsatgan.